Estimado Sr. Alcalde:

            Segundo puideron comprobar no derradeiro fin de semana varios membros desta Asociación de Veciños, na Rúa Rosalía de Castro producíronse os seguintes feitos:

• Na noite do sábado 10 ao domingo 11 de marzo o establecemento denominado TROULA permanecía aberto ás 9,15 da mañá do domingo, hora á que aínda estaban numerosos mozos e mozas saíndo do local, incumpríndose de novo, como sábado tras sábado, a normativa actualmente en vigor sobre os horarios de peche destes establecementos.

• No mesmo día e hora, varios dos mozos que saíron do dito establecemento estiveron alomenos durante vinte minutos co vehículo aparcado na confluencia das rúas Rosalía de Castro e Alexandre Bóveda, coas portas abertas e co aparello musical do vehículo co volume anormalmente elevado, de xeito que a música se escoitaba en toda a rúa.

Despois das numerosas reunións que tivo esta Asociación co Concello, e os múltiples escritos remitidos sobre do incumprimento da normativa de ruídos e de horarios de peche, permítanos que xa só deixemos constancia unha vez máis deste incumprimento, sen facer comentarios nin solicitude algunha ao respecto.

En Betanzos, a 12 de marzo de 2007.

POLA ASOCIACIÓN, O VICEPRESIDENTE,

ASDO: Jorge Enrique Mourelo Estella